Jab Koi Mulk Kisi Zalim Huqumat Ke Chungal Se Aazaadi Pata Hain To Har Saal Usi Mah Ki Usi Tarik Ko Uski Yaadgaar Ke Taurper Jashn Manaya Jata Hain!
Niz Jab Koi Talib-A-Ilm Imtehaan May Kaamyab Hojata Hain To Wo Kis-Qadr Khush Hojata Hain!
Mah-A-Ramzanul Mubarak Ki Barkaton Aur Rehmaton Ke To Kya Kehne! Yeh To Wo Azimoshaan Mahina Hain, Jisme Bani Noa-A-Insaan Ki Falah-O-Bahbudi Aur Islah-O-Tarakki Keliye Ek "Khudayi Kanoon" Yani Quraan-A-Majid Nazil Hua! Yeh Wo Mahina Hain Jisme Har Ek Musalman Ki Hararat-A-Imaani Ka Imtehaan Liya Jata Hain! Bas Zindagi Ka Ek Behtarin Dasturul Amal Paker Aur Ek Mahina Ke Sakht Imtehaan May Kaamyab Hoker Ek Musalman Ka Khush Hona Fitri Baat Hain! IDD Isi Khushi Ka Naam Hain!
MUAFI KA EHLAAN-A-AAM
*****************************
ALLAH Ka Humper Karam Bala-A-Karam Hain Ki Isne Mah-A-Ramzanul Mubarak Ke Baad Fauran Hi IDD-UL-FITR Ki Nematain Uzma Se Hame Sarfaraaz Farmaya! IDD SAEED Ki Be-Hadh Fazilat Hain!
Chunanche, Ek Taweel Hadees May Jisne Hazrat-A-Sayyaduna Abdullah Ibne Abbaas Radi-Allahu-Ta'aala-Anhu Ne Riwayat Kiya Hain-
"Jab IDD-UL-FITR Ki Mubarak Raat Tashrif Lati Hain To Ise "Lailatul Jayiza" Yani "Inaam Ki Raat" Ke Naam Se Pukaara Jata Hain! Jab IDD Ki Subah Hoti Hain To ALLAH-TA'AALA Apne Masoom Farishton Ko Tamaam Sheharon May Bhejta Hain,
Chunanche, Wo Farishte Zameen Per Tashrif Laker Sab Galiyon Aur Raahon Ke Siron Per Khade Hojate Hain! Aur Is Tarah Nida Dete Hain, "Aye Ummat-A-Mohammad! (SALLALLAHU-TA'AALA-ALAIHI-WASALLAM) Us Rab-A-Karim Ki Bargah Ki Taraf Chalo! Jo Bahoat Hi Zyada Ata Karne Wala Aur Bade Se Bada Gunah Muaf Farmane Wala Hain!"
Fir ALLAH AJJOWAJJAL Apne Bandon Se Yun Mukhatib Hota Hain-
"Aye Mere Bandon! Maango! Kya Maangte Ho? Meri Izzat-O-Jalaal Ki Kasam! Aaj Ke Roz Is (Namaz-A-Idd) Ke Iztimah May Apni Aakhirat Ke Baare May Jo Kuch Sawal Karoge Wo Pura Karuga Aur Jo Kuch Duniya Ke Baare May Maangoge Usme Tumahri Bhalayi Ki Taraf Nazar Farmaounga! (Yani Is Muamle May Wo Karunga Jisme Tumahri Behtari Ho!) Meri Izzat Ki Kasam! Jabtak Tum Mera Lihaaj Rakhoge Main Tumahri Khataon Per Parda Poshi Farmata Rahunga! Meri Izzat-O-Jalaal Ki Kasam! Main Tumeh Hadh Se Badne Walon (Yani Mujrimon) Ke Sath Ruswa Na Karunga! Bas Apne Gharon Ki Taraf Magfirat Yaafta Laut Jao! Tumne Mujhe Razi Kerdiya Aur Main Bhi Tumse Razi Hogaya!